岑日珈另類治療救番愛犬

愛心爆棚的女星岑日珈，家中飼養7隻狗仔、5隻貓咪，但4歲愛犬叮叮去年底因椎間盤移位突然變癱，令她憂心爆喊：「照完MRI後醫生話要即刻開刀，但位置好易觸動隔離神經線會死，唔敢冒呢個風險。」其後搵到醫生幫叮叮做針灸，奇迹地康復了七成，她說：「雖然行路仲跛跛吓，但Keep到咁嘅狀態已足夠。」擁有如此「大家庭」，問到為何會養這麼多寵物，她細訴：「佢哋起碼有伴，因為我太明白寂寞嗰種心態！唔想佢哋都有呢個感覺，我驚出咗街唔喺度，有咩事佢哋可能有共同語言，至少唔會寂寞。」直認對哥基犬TT特別偏心：「佢好黐身，佔有欲好強，去邊跟到邊，仲好保護我！」