霆鋒舊愛啱嘴形 趙學而盧巧音驚爭咪
藝人趙學而、盧巧音及沈殷怡等，昨日出席ViuTV節目《Chill Club》記者會，多間唱片公司派出旗下歌手及高層到場支持。身為「大師姐」的學而與盧巧音，早前合唱引起網民熱議，盧巧音開心說：「真係好玩，但我哋下次要有時間夾多啲先，唔想畀人話搶咪。」二人曾先後與謝霆鋒拍拖，盧巧音說：「大家唔講都唔記得。」學而即接口：「做人要向前看。」
至於沈殷怡自從穿Bra Top行山後知名度急升，她直言工作量增加不少，但與此同時，爸爸的職業亦被報道，她說：「爸爸應該有心理準備。（驚唔驚舊愛全部現身？）佢哋係圈外人，應該想低調。」又透露稍後會於另一節目展廚技，又稱只要健康性感，不介意演出泳衣騷。
另外，ViuTV加強音樂節目，製作部副總裁金廣誠承認「試水溫」，不排除日後舉辦樂壇頒獎禮。