Keep住撐舊愛麥秋成 為胡鴻鈞「賭乜都得」
蔡思貝入行後有不少戀情傳出，真又好，假又好，但觀乎麥秋成、余德丞、張振朗及胡鴻鈞等都是不同類型的男人。提到麥秋成，她首次承認這段情，透露兩人分手三年多，現時再見亦是朋友，見面不會尷尬，她說：「我比較幸運，以前德國男朋友我都仲有聯絡，好多Ex我都可以做番朋友，雖然麥秋成嗰陣入無綫我都好驚訝，佢有個宏遠理想，一路好鍾意拍嘢，我好支持，我覺得佢好勇敢，佢喺跳舞界已經去到一個位，但入到嚟無綫佢係由頭做起，我好尊敬佢呢個轉變，我為佢呢個勇氣拍手。」
提到她的緋聞男友全都不同Type時，思貝笑說：「其實我同余德丞由頭到尾都係好朋友，上星期先食完飯。」說到胡鴻鈞表面很納悶，對方有甚麼吸引她時，思貝即「護愛」說：「佢喺朋友面前唔係咁悶(口架)！佢可以好放、好玩得，我覺得呢個陽光男孩幾好呀！佢仲係一個終極善良嘅人，對我嚟講善良呢個質地最重要，唔係裝出嚟，佢係真心地善良出嚟，佢係唔會傷害人，一定唔會，賭乜都得，我好信任佢。」她滔滔不絕地讚胡鴻鈞，一句「賭乜都得」徹底表露一切，問二人是否發展中？她甜笑說：「朋友囉！將來嘅嘢冇人知嘅！ 」
