安采妮崩潰想死 哭求：放過我！

有網台主持早前在網上公開「尋人」，指旗下藝人、曾拍攝電影《毛俠》的安采妮突然「失蹤」近一個月。昨日安采妮的自拍片在網上瘋傳，聲稱「人間蒸發」全因要避開有強大控制欲的經理人，還展示被經理人用粗口罵的電話錄音、對話截圖及短片。

她指經理人除要她經常報告行蹤外，還多次在其座駕裝GPS方便追蹤，佔用其社交網阻止她與朋友及網民溝通，多位朋友收過經理人過百訊息「問候」，連家人聚會亦受干預，她說：「我同表姐去旅行，佢不停要我用視頻影畀佢知我位置；唔畀我去家姐婚禮，否則威脅我話搵人嚟『收數』。」月前安采妮為避開他而「匿埋」，怎料經理人搵到她媽咪家，嚇到媽咪喊兼報警。

逼拖手威脅退租

安采妮揚言經常被無理取鬧是「狗」，又長期被對方威脅：「因為我冇入息證明，要由佢代租屋，只要我唔聽佢話，就威脅打畀業主退租，搞到我同啲狗冇地方住。」至於決心與經理人「反面」的導火線，她說：「我係狗義工，同男領養人拖狗散步，想了解吓新主人係咪可以同隻狗相處，但佢突然出現，原來佢搵助手跟蹤我，之後要同我手拖手行街，畀所有人見到，尤其喺個狗主面前。」

「唔會同佢一齊」

安采妮形容與經理人相處如活在地獄中，每晚都發噩夢：「之前有無數次想結束自己，但諗到我啲仔女（指貓狗）先撐到依家，佢話搞緊離婚，食藥會好啲脾氣，但我唔會同佢一齊。」她在片尾多番要求經理人：「收手啦！放過我啦！今世唔好再見。」又望對方不要再阻礙她搵工，讓她平靜過活。

對於安采妮的「指控」，其經理人在網上開Live說：「員工要辭職，都同老闆坐低講聲，唔係走咗去，事出必有因，喺呢4年，我投資咗好多精神同金錢，唔係點會欠下一身債。」