謝安琪神乎其技素食呃到人
謝安琪（Kay）、陳貝兒及蘇頌輝等昨現身旺角，出席素食產品活動。Kay打趣廚藝「神乎其技」，事關她用素食午餐肉煮餸，家中兩位小朋友「蒙在鼓裏」，而全家都各有飲食習慣，雖同枱食飯卻「自己顧自己」。
談到疫情下她經常孖老公張繼聰網上獻唱，Kay解釋：「唔想佢一個咁孤單，我心地幾好o架。（考慮正式合作？）唔抗拒嘅，但暫時未有適合嘅歌曲及劇本。」至於阿聰與張振朗等揸電單車上山，享受「男人的浪漫」，Kay爆老公清晨6時便起床出發，毅力十足。
蘇頌輝則透露太太預產期為11月﹕「下次產檢就知BB性別，我想生個女，搵到前世情人先。太太就要我清空間雜物房畀BB用。」