梁釗峰昨日到電台宣傳新歌《佚名》，歌曲講述他是「下靶」男友，因女友的所作所為而谷爆，只能在網上發洩。他自爆私下亦是「Yes Man」，他說︰「唔敢Say No，唔想女朋友唔開心，想得到佢嘅愛就要討好佢。中學時期，我都做過下靶男友，試過女朋友去咗同朋友玩，自己一個喺旺角街頭企咗3、4個鐘等佢，嗰時仲覺得自己付出咁多就啱，但其實呢段感情唔健康，依家就學識相處、溝通，有咩都會拎出嚟講。」
