丘亞葵暫別粵劇界籌備大型音樂劇
不能遺忘的聲音與畫面，由粵劇名伶龍劍笙主演永垂不朽的經典戲寶《帝女花》珍藏DVD終於面世，出品人薪娛國際老闆丘亞葵宣布暫別粵劇界，轉戰新項目發展，正籌備明年大型音樂劇公演。
千呼萬喚，龍劍笙（阿刨）領銜主演的《帝女花》豪華版DVD今日正式推出，去年底阿刨與花旦鄭雅琪排除萬難演出的13場粵劇戲寶《帝女花》，叫好叫座。DVD本來早已推出，主辦商薪娛國際綜藝製作有限公司丘亞葵（Vigo）透露因為新冠肺炎爆發，令工序受影響而推遲，今次仍然是限量發售2,888套。
為傳承盡一分力
曾製作舉辦無數巨星演唱會的Vigo，過去10年瞓身發展粵劇事業，籌劃約20個劇目、超過200場粵劇演出，他透露會暫停一下：「對於粵劇是中國戲曲文化瑰寶，我覺得粵劇是需要改革，呢10年自己堅持咗咁耐，係想為傳承盡一分力，但就個人而言，係時候去做一啲新嘗試，未來短時間內我都唔會再搞粵劇。」當年投資粵劇他好開心，有很大得着，加深對中國文化戲曲的了解和興趣，花了10年心血對粵曲的鑽研，他說：「勞心勞力，所以要停一停，計劃向另一方面發展，喺暫別之際，可以推出《帝女花》經典戲寶紀念DVD作為總結，係幾有意義。」
他率先透露明年5月會在西九文化區舉行一個大型音樂劇，預計超過20場，但詳情有待公布：「雖然我唔搞粵劇，但今次個音樂劇會喺西九裏面嘅戲曲中心舉行，都算有少少相關。」