無綫節目《姊妹淘》自2011年開播，有指因節目調動關係，播完今日最後一集就會停播，對此，主持之一的吳若希坦言：「係呀！我哋都係早兩日收到消息，但我哋都係等公司安排。（會唔會唔捨得？）唔捨得呀！《姊》有好多fans，好多人睇完之後都問我啲衫喺邊度買、價錢、咩牌子，都開心可以介紹咗好多好嘢畀大家，自己喺主持嘅過程中亦學到好多潮流、扮靚嘅資訊，我相信始終有一日會返嚟嘅！」
