監製讚乖女朱智賢獲推奮鬥片洗白
無綫小花朱智賢偷食人夫黎振燁後，與男友謝東閔開記者會道歉，據知她徹底知錯，無綫亦給予空間閉門思過。日前，娛樂新聞台推出一段朱智賢的奮鬥片，讓觀眾了解她多年的努力，朱智賢卻被指以「冧黐」、「姣電」及「扮弱者」三招搏取監製張志明歡心。
惹來偏私指控的張志明昨日嬲爆回應：「佢並非擦我鞋，當年佢落選港姐冇諗過入無綫，係我覺得佢OK，又乖女，所以叫佢做娛樂新聞、《3日2夜》、《天與地》。佢乖到不得了，唔通只係為咗一件事，就要人哋死咩！佢係因為蠢而犯錯，唔通咁就冇翻身機會？其實我一直都想做呢個節目（奮鬥史），有好多喺TVB好好演技又做好耐都冇人留意嘅，我好想畀人認識佢哋嘅努力，只係今次做咗朱智賢先！希望造謠者唔好咁冇良知，亂講做新聞！」
傳力溝黃庭鋒
不過，再有指朱智賢2018年拍《救妻同學會》時力溝「大隻仔」黃庭鋒，黃庭鋒精通四種語言，又是中大體育系碩士，因而獲朱智賢「垂青」，對此朱智賢說：「不是事實不回應，希望大家不要再騷擾我身邊的朋友，謝謝。」而黃庭鋒亦說：「完全冇啲咁嘅事，唔知點解咁寫。」