已育有一子的名媛徐綺雯（Candy），離婚後生活反而多姿多采，孜孜不倦考到律師牌，同時又兼顧模特兒工作。問到離婚後是否改變很多？她說：「反而自由咗，之前太專注做太太嘅角色，依家做番自己，讀書、湊仔。」她承認有追求者，只是目前享受單身生活，暫無再婚打算。
此外，她又投資七位數字開設美容院：「我本身屬木，美容屬水，加上鍾意扮靚，開美容院最適合。我一向做開嘅技師做得好好，同佢一齊開，為咗靚，我全身都會做機，減肥、收身、溶脂。同埋我生過BB，好多時盆底肌會鬆弛，有啲儀器可收緊陰道，個人變靚咗都有自信啲。」
