丘亞葵監製網劇獻第一次
新娛國際綜藝製作有限公司老闆丘亞葵為歌舞網劇《快樂520》第一次擔任監製，昨日接受訪問時大讚李玟專業：「佢雖然客串一集，但都肯花一整日時間去拍，啲Fans知佢嚟佛山拍攝，有成幾百人湧嚟支持，我仲陪住佢錄咗首改編咗嘅《跳舞街》，最特別係佢同家姐李思林有合唱。」
丘亞葵指網劇是潮流所趨，今次他是抱住學習的心態去做，發現原來香港和內地的製作有大不同：「內地啲製作分工好細，面試者好認真，佢哋會帶埋道具嚟表演畀我哋睇。」談及劇中的男女主角，他說：「女主角馬栗好靚，係可造之材，男主角陳政陽好唱得。」又指該劇製作費高達2千5百萬港元，而36首金曲的版權費也要逾300萬，絕對是重本之作。