全面停工 主持《東張》被Out
朱智賢的「咪神」形象一夜直插水底，與黎振燁齊齊入「雪櫃」工作煞停。朱智賢原定本周與潘梓鋒主持《東張西望》，現時已被飛起，潘梓鋒說：「係換咗人，但唔知換咗邊個，我估佢（朱智賢）都要休息一段短時間先。」
《東張》另一主持林溥來（Patrick Sir）昨日出席電台記者會，他透露有發短訊鼓勵朱智賢：「希望佢勇敢面對。（佢係咪停咗主持《東張》？）佢唔多嘅，都係一個月做一、兩次。（睇到新聞好出奇？）少少，等佢哋回應咗係咩事先，大家去食嘢，背後係點要佢哋交代。（你會約女同事去山邊食嘢？）唔排除如果有個好好嘅朋友、同事，想搵個靜啲嘅地方傾偈、食蛋糕慶祝生日，就有機會咁做。（你身為人夫會避忌啲？）會！太太一定要知同埋係佢識嘅人，有次同李佳芯睇舞台劇，都係老婆幫我買飛。」