吳千語男女通殺咀傅穎冇難度

演員吳家麗、胡杏兒、吳千語、何珮瑜、曾樂彤等昨日在九龍灣E-Max為ViuTV劇集《熟女強人》拜神，吳千語劇中大玩雙性戀，與柏天男及傅穎譜三角關係，她說：「同傅穎有少少咀戲，第一次同女仔拍錫錫戲反而唔尷尬，好似錫自己隻手咁，戲裏面同佢只係溫馨錫錫，冇床戲。」她又指在疫情下拍咀戲，大家也做足消毒措施。

「結婚再同你哋講」

吳千語最近工作重疊忙個不停，完成劇集後將到廈門拍攝電影，到時需隔離十四日，已準備好煲劇、做運動消磨時間。問到豈不是沒有時間與男友施伯雄拍拖？她避談笑說：「呢排都冇乜見人。（影到你同男友去放狗？）邊個呀？同friend去啫。（話你哋好事近？）結婚再同你哋講啦。（傳林峯做老竇？）唔答喇。」

疫情下身為媽媽的杏兒相當小心，用口罩遮着咪減低風險，她說：「啱啱聽人講外國有人共用咪『中招』，屋企有老有嫩係緊張啲，返到屋企亦都會大清洗，沖晒涼先抱個仔。」

傅穎上載健身照片，Fit到不見脂肪。

吳家麗、胡杏兒的演技毋庸置疑，於劇中高手過招。

前無綫「視后」杏兒2015年離巢後首次在港拍劇，與娘家打對台，劇中飾演心理醫生兼性治療師，問到可擔心為ViuTV效力後不再獲無綫邀請拍劇？她說：「唔會嘅，TVB之前都有搵我，但係我要生仔拍唔到，會再有機會合作嘅，歡迎娘家再搵我。」

吳家麗搵男人配種

吳家麗劇中被「父子檔」黃錦燊與黃愷傑力追，她笑說：「個角色覺得係女人去揀男人，男人只係用嚟配種，佢後生仲已經雪咗卵子。」現時香港正實施「禁聚令」，ViuTV製作部副總裁金廣誠指現時先拍廠景，外景盡量延遲拍攝，又坦言在疫情下廣告量減少。