朱敏瀚操大隻余思霆冇表示

有無綫「御用細佬」之稱的朱敏瀚讀訓練班入行，經過十年磨練，近期有不少演出機會，他在劇集《機場特警》擺脫斯文形象，飾演大隻特警。他坦言刻意增磅練大隻：「跟咗關梓陽去操，佢本身係健身教練，出嚟嘅效果明顯好好多。」問到女友余思霆可喜歡其健碩身形？他笑言：「佢冇乜表示，我諗OK嘅。我哋鍾意運動，會一齊去做Gym。」
為了有更多演出機會，朱敏瀚刻意練大隻。
為了有更多演出機會，朱敏瀚刻意練大隻。

朱敏瀚表示拍攝期間與張振朗成為好友，獲益良多：「拍完《機》劇後再同佢合作《反黑路人甲》，之前唔算好熟，但聽好多人講佢好鍾意演戲，喺振朗身上學識唔好放過任何一場戲，無論你做咩角色，以為已經100分，其實可以做到120分。」

余思霆與朱敏瀚感情穩定。
  • 余思霆與朱敏瀚感情穩定。