歌手林一峰昨日錄影ViuTV音樂節目《Chill Club》，看來身形瘦了不少，他坦言為3月的演唱會學打緬甸拳練氣，但最後因疫情而要延到明年才開騷，新碟則會在5月初推出。問到可會叫妹妹林二汶一起打拳減肥？他笑說：「冇喎！佢好錫身唔係好郁，我煮嘢畀佢都唔食呀，因為嫌太齋，所以唔好同我一齊打拳啦，唔好拖累我！佢會自己打坐嘅，佢好健康嘅，肥瘦唔緊要。」
