Gin Lee畫畫白癡學紋身 「行刑」三粒鐘
環球歌手Gin Lee喜歡接受新挑戰，欣賞紋身藝術的她雖然對畫畫一竅不通，但仍膽粗粗學做紋身師，接受三小時的速成班特訓。
Gin Lee（李幸倪）現身紋身店，但不是去紋身，而是學習幫人紋，她笑說：「作為一個敢於挑戰嘅人，今日我有新挑戰！」Gin覺得紋身是充滿美感的藝術品，惟暫時未找到一個適合陪她一世的圖案，她說：「搵到嘅我都會紋。」最難得是紋身師Iris願意犧牲自己做「白老鼠」，Gin笑說：「講就話係我去試新嘢，其實紋身師先係接受挑戰嗰個！」
最怕連累人
Gin獲安排以較簡單的星星圖案作挑戰，她充滿信心說：「應該得嘅！」但紋身師知道她不擅長畫畫後，當堂呆了三秒，並笑說：「心臟停咗一秒！」Gin形容自己是全世界唯一不懂畫畫、亦沒紋身的紋身師：「我好驚佢痛，我自認係勇敢嘅人，做咩都係自己承受，好驚連累人！希望佢唔係第一個啦，我好佩服佢嘅勇敢！」
緊張抖大氣
接受挑戰前，Gin先在白紙練習畫圖一小時，到正式拿起紋身工具時，緊張得抖一大啖氣：「喺假皮上練係OK，但諗到喺真人皮膚上紋就有壓力！」最終她挑戰成功，雖然不太滿意，但尚可接受，Gin坦言想過放棄：「我驚累咗人，唔好搞人哋，但去到後段有少少上癮，想紋多啲，真係幾好玩！能夠衝破到心理關口，原來自己做得到。」由教學、練習，到真正落手紋，整個過程用了足足三小時，Gin緊張到一額汗，紋完後才鬆了一口氣！