可宜獲「籃神」求婚 差啲一手破壞！
ViuTV混血兒主持可宜，與「甲一籃神」鄭錦興拍拖八年修成正果，獲對方驚喜求婚！爆喊答允下嫁背後，原來男友事前多次走漏風聲，但她毫不察覺，更差點破壞大事。
可宜（Natalie）與有香港「流川楓」（經典漫畫《男兒當入樽》主角）之稱的鄭錦興上月夥朋友到尼泊爾旅行，順道出席婚禮，想不到他偷偷安排驚喜求婚，正式將女友私有化！Natalie昨日在社交網上載感動爆喊的求婚片，正式「升呢」準人妻！
她昨日接受本報電話訪問時表示，因疫情關係加上男友要回港提親，故相隔一個月才報喜。講到求婚經過，她表示既感動又開心，事前亦不知情：「當日好多小朋友送花畀我，我都覺得好奇怪，點解只係送畀我呢？慢慢先Get到係求婚。（塊面咁多顏料？）嗰日係Holi Festival，意思係小朋友將啲顏料摸我哋塊面，當係一個祝福！」
冇得返家鄉影結婚相
鄭錦興為送上驚喜求婚，在港已預備一切，並將物資親自運送當地，雖然幾度走漏風聲，但Natalie完全未有察覺，她說：「佢喺飛機上話帶漏嘢，原來就係氣球，有次就跌咗個戒指盒出嚟，但我又以為係無線耳機嘅盒！最好笑係佢用個盒裝住求婚用嘅乾花，交畀我朋友Keep，我見到嗰陣仲同朋友講，咁大個盒嘥位，不如唔好要！」婚禮將於年底在港舉行，但疫情下未能返家鄉英國影結婚相：「唔緊要，喺香港影都幾好。」