林奕匡無悔窮到抑鬱
歌手林奕匡在香港開電視節目受訪，分享入行後患抑鬱的心路歷程。在加拿大成長的他，離鄉別井來港已經難捱，最辛苦是出唱片後冇人識，無法維持生計：「當你撳機連一百蚊都攞唔到出嚟，就知道冇錢囉！當然交唔到租！」當時他患上抑鬱，長期失眠，但致電家人時只會報喜不報憂。
一首《高山低谷》令林奕匡得以翻身，他當時跟現在的老婆李靄璣說：「如果呢張專輯都唔得，就一齊返加拿大再讀書，佢話同我一齊捱。我永遠記得嗰個時刻，永遠感謝佢一直畀我嗰份支持。」最壞的日子已過去，他笑言人生中做過最勇敢的事，一定是孤身來港打拚：「放棄嗰邊嘅生活，其實係幾大嘅冒險。」