林奕匡疫境出碟打定輸數
歌手林奕匡（Phil）籌備多月的新碟最近在疫境下面世，其中六首歌是他去年隻身到美國進修時的作品，已兩年沒出碟的他明知今次成績不會是最理想：「冇得出活動宣傳，但會有幾差？好過乜都唔做，大家仲可以喺屋企聽歌係好事。明白大家近排好多嘢唔開心，好多人冒生命危險為社會出力，作為歌手，至少我做好娛樂者角色。（可能更加矜貴？）可能係滄海遺珠。」
Phil指新碟是入行13年來最花心機和金錢之作，不少人誤以為當中新歌《孤獨的對岸》是他想念老婆之作，實則是他在美國等朋友的心情，現時則是對加拿大親友的思念。至於另一首歌《大寂寞時代》有隱喻，Phil說：「監製話好多科幻片，未來開派對時係喺電腦整AI出嚟跳舞，將來人愈嚟愈寂寞，好似影射到依家，大時代係從科技去體驗生活，各自孤獨，各自寂寞。」