唐貝詩有心理準備喪失「至愛」
藝人唐貝詩（Lydia）飼養兩隻貓咪花花與雪雪，去年花花離世，她大受打擊，現時雪雪已20歲，亦進入倒數階段，Lydia坦言雖然已有心理準備，但一提起亦忍不住落淚：「好驚佢隨時走，所以更珍惜每一刻。我依家好少出街，雪雪好嗲，返到屋企就黐住我，夜晚又會同我一齊瞓。」又指花花離開後，特別製造一條頸鏈留念：「我用佢啲毛同骨仔整咗條頸鏈，到時雪雪走都會再整多條。」
出名是貓奴的Lydia，被問擇偶條件是否一定要鍾意寵物？她說：「一定要，我識嘅朋友都鍾意寵物。（依家有冇男朋友？）感情冇嘢可以講，除非落實晒，去到結婚先會公開。」
