背麥美恩追蔣家旻？ 許文軒：私下冇聯絡
日前有指麥美恩緋聞男友許文軒暗溝蔣家旻，昨日許文軒回應澄清絕無其事，他說：「當日我同佢及周奕瑋派完口罩，蔣家旻開車走先，但喺停車場見到佢停埋一邊好耐，原來爆咗胎，所以大家落車幫手，而幫佢換胎嗰位男士亦唔係我，係同車導演，而另一個同事就借埋架車條後備胎畀佢換！」
可有私下約會？他說：「冇呀！嗰件事係成個月前，尋日大家返嚟公司先再見番，私下亦冇聯絡。」兩人被召回公司「照肺」？他說：「唔係，係想知發生咩事，做番個回應。」講到麥美恩可有反應？文軒笑謂：「我哋成班朋友有個群組，大家攞嚟笑吓。」