譚俊彥生意跌八成搵陳煒開財路

無綫劇集《法證先鋒IV》演員藝員譚俊彥、黃浩然、陳煒、張曦雯等昨日在將軍澳電視城出席劇集活動，席間宣布第26集的七天跨平台總收視高達40點，逾261萬觀眾收看。

夾份出糧不炒人

譚俊彥與陳煒皆指入行以來未試過有主演劇集達40點收視，覺得很大鼓舞，彷彿回復昔日大家電視撈飯的日子，美中不足是未能食飯慶功，譚俊彥說：「我成日講等疫情過後，如果我間餐廳仲捱得住嘅話，一齊嚟慶功。（餐廳生意點？）情況唔樂觀，我哋主要做晚市，影響好大。加上我哋係用西班牙火腿、美國牛肉，賣完都入唔到貨。（裁員？）冇，因為炒咗佢哋亦都搵唔到工作，堅持到最後，搵幾多出幾多，幾個拍檔都有夾份出糧，亦有向政府申請資助。（生意跌幾多﹖）七八成，以前生意好要提早兩星期訂枱，依家試過一個禮拜有兩、三晚食蛋，都幾驚，要改變吓經營模式。」他又指陳煒廚藝了得，希望可與對方合作推出食譜，或於網上教人下廚。

李施嬅近期的劇集部部收得，梗係要報答吓觀眾。

梅小青的告別作取得近年難得一見的40點收視，名副其實係「榮休」。

黃浩然感動眼濕濕

大結局留下伏線，張曦雯疑是終極Big boss向小丑大開殺戒，她說：「我自己都估唔到，希望會開第五輯。幾個月前小青姐加我入劇組，構思過叫我化小丑裝，拍我落妝嘅畫面，最尾冇拍，唔知係咪會有第五輯。」黃浩然笑言是否開第五輯，兩個兒子比他更清楚，他笑說：「佢兩個第一次睇劇，睇完大結局話肯定有第五輯。我阿媽睇到收視咁好，發短訊恭喜我，睇到我都有啲眼濕濕。」

另外，正於家中自我隔離的李施嬅，對於劇集達40點收視當然高興，由於無法出席活動，故於社交網上載之前的潛水靚相，實行贈興一下。