搞到酒店變無掩雞籠 程皓咁都算乖？
2016年參選港姐入行、在劇集《十二傳說》單元「大學校園不思議事件」演黃建東情婦的程皓（Rachel），雖然當年因入行問題而與家人發生衝突甚至離家出走，但她自言小時候是個乖孩子，十分聽媽咪話：「我都算聽話，媽咪叫我做乜就做乜，好少扭計，自動自覺做功課，同埋又會幫手照顧細佬，所以我都唔使佢操心。」
談到童年趣事，Rachel指有一件事至今仍難以忘記：「我記得嗰時復活節，有一次同親戚一齊去旅行，酒店入面有啲圍欄圍住啲雞仔，當時表哥就同我講啲雞仔好慘，叫我放佢哋出嚟，點知我真係照做，仲推跌晒啲欄，啲雞仔走晒出嚟，搞到保安要慢慢捉番佢哋，依家諗起都覺得好好笑。」
