同事一沉百踩敖嘉年受屈晚晚喊
藝人敖嘉年今年1月離開服務24年的無綫，他接受東網節目《娛場》訪問時，憶述當年因恩師洪朝豐一句「o靚仔，有冇興趣入電視台做吓？」而展開演員生涯，其後遇上「伯樂」監製李添勝，接拍《巾幗梟雄》演反派「蔣必文」及《義海豪情》的「排骨仔」，事業更上一層樓。
惟當一切順風順水時，他在一次煞科宴上與冼灝英因拜師問題發生衝突，自此負面新聞纏身，他說：「當時以為冇嘢，慢慢見到影響咗工作，甚至公司裏面好多人對你嘅睇法都唔同。」他聽過不少奚落說話，亦試過準備拍喊戲時被人刻意影響情緒：「壓力大到每晚返屋企沖涼都喊，咁先瞓得着，好辛苦！」