石詠莉開騷急減肥
歌手石詠莉（Sukie）、丁悅及胡琴演奏家陳璧沁將於4月2日演出網上直播音樂會，歌手羅啟聰（Kis）擔任導演，音樂人方樹樑是創辦人。三女坦言首次合作，Sukie期待與中樂合作很久，璧沁說：「二胡同演奏女性深情係好襯，女士會溫柔、嬌嗲，甚至幽怨啲，怨婦咁。」Sukie即笑說：「我9成歌都係怨婦歌，真係慘啦！自此洗唔甩怨婦名。」
首次做導演的Kis透露今次會用至少4部4K高清攝影機拍攝，而每個歌手到時亦會攞住電話直播自己，為免有醜態出現，Sukie笑言要立即開始減肥：「最近差唔多每日都喺屋企抗疫，真係肥咗好多，要喺屋企操吓先敢上台。」提到丁悅是臨時補上，問到時間緊迫可會有壓力？她說：「我開心期待居多，雖然都有少少緊張，始終一段時間冇正式同大家見面。」