恨與余香凝結拜Aka講錢即轉軚
藝人趙慧珊（Aka）、余香凝（Jennifer）與余潔滢昨日現身電台宣傳，Aka笑指與余氏姊妹很有緣，有意做結拜姊妹，還要做大家姐，但當獲悉要買金筷子及金碗作禮物後即卻步，笑言要儲多幾年錢才行動。
余潔滢透露在微電影與Aka演姊妹但不咬弦，現實中與家姐卻感情要好，Jennifer聞言即踢爆：「好多時我早起身入佢房換衫，佢瞓緊覺就會催我快啲，好惡！不過我細個都有使佢遞水、煮嘢食畀我。」余潔滢即笑說：「我畀人嘈醒會好大脾氣，但鬧完就冇嘢。」另外，Jennifer透露原定今日開音樂騷，惟最後要延期，惟有趁節目期間唱Live「止癮」。