陳凱琳搞生意做埋「白老鼠」

藝人陳凱琳（Grace）誕下兒子後甚少幕前工作，原來秘密搞生意，日前她推出自家化妝棉品牌，一班圈中好姊妹唐詩詠、龔嘉欣、單文柔等都有親臨期間限定店捧場，Grace說：「我哋花咗唔少時間研究物料，精心挑選嚟自日本嘅原材料，我哋又去台灣視察工廠環境，確保品質，自己都做咗好多次『白老鼠』試用，直至滿意效果先介紹畀大家。」詩詠表示因為拍劇的妝較濃，故每天要花不少時間卸妝、清潔，如果化妝棉好用，慳番時間可以早點休息！