洛杉磯「禁足」王梓軒廁紙慳住使

身在洛杉磯創作劇本及進修演藝課程的歌手王梓軒，因當地頒布居家禁足令，除到銀行及超市外，其餘時間乖乖留在家，他說：「我出去都會戴口罩同手套，每星期去一次超市買食物，上星期啲人搶咗一個月嘅貨，好多新鮮食物同罐頭都冇晒，得番啲急凍嘢，意粉都係得番一包，所有廁紙、廚房紙都冇晒，啲貨架全部都係吉嘅，搵咗好多間終於有消毒濕紙巾，但我只係買咗兩包，留番啲畀其他人，廁紙都要慳住用。」