陳柏宇為隻碟同老婆鬧意見

歌手陳柏宇昨日為黃澤鋒主持的香港開電視節目《我的志願速成班》擔任嘉賓，他大數18個月大的女兒Abigail冇表演欲、扭計、發脾氣及成日扮喊，又自爆因為一隻碟而與太太鬧意見，他說：「早兩日囡囡打爛隻碟，太太話要罰佢，我話冇得罰，因為佢唔明玻璃碟同膠碟嘅分別。大人好大責任，點解唔畀膠碟佢，要畀玻璃碟佢？唔想打爛隻碟，就唔好畀佢囉！（應該罰太太？）罰乜鬼，太太都係話罰個女先，我話下次唔應該罰！」他承認兩夫妻成長背景不同而意見不合，但認為互相尊重最重要。另外，提到遷入千呎豪宅，他表示為住得舒服，並打算再生B。