鄧穎芝徒手爬山盪鞦韆
藝人鄧穎芝之前到美國旅行，除了做代購生意外，還狂食狂玩放鬆心情：「之前忙完大閘蟹生意，又緊接做盆菜外賣，忙足幾個月都冇乜抖，所以咪飛幾日美國，同埋旅費好平，機票一千蚊咋。」
問到單身的她可有遇上異地情緣？她笑言反而有驚險事：「我哋知有個景點好靚，係一個可以360度飽覽山下風景嘅鞦韆，點知去到山腳先知大鑊，原來唔可以行上去，係一定要爬上去！我哋又冇任何爬山裝備，所以真係好辛苦，加上個鞦韆位置好隱蔽，要坐上去好危險。」最終以無比堅毅成功登峰，坐在鞦韆「打卡」，她說：「好有征服世界嘅感覺。」
