老公做廚石詠莉焗食糊仔
歌手石詠莉昨午在尖沙咀，獲音樂頻道頒發「鑽石躍進歌手」及「鑽石重唱歌曲」獎，頻道本打算舉行大型頒獎禮，但因疫情而改向歌手個別頒發，石詠莉坦言感到少許可惜。頒獎期間，獎座上的鑽石裝飾多次跌落地，場面甚為尷尬。
石詠莉近期與舊公同解約，以自由身做獨立歌手，她與丈夫鄧健泓都明白要加倍努力：「我哋本來諗住今年起碼出兩首歌，但畀疫情打亂咗陣腳。」她笑言近日空閒，多了時間陪伴幾隻愛犬，而鄧健泓則屢次下廚試整煲仔飯，她笑說：「佢成日失敗，試過啲飯整到好似糊仔咁黏，但我都有食晒以作鼓勵，尋晚終於成功。（似糊仔係咪有暗示先？多咗時間造人？）呢個時勢仲敢諗咩！」