古巨基父愛爆棚 Kuson笑咪咪冇扭計

秘密做了老竇的古巨基，囝囝終於曝光！日前基仔親自上載囝囝瞓覺的照片報喜，不過就只見頭殼頂，正當大家等得心癢癢，基仔於凌晨時分再在社交平台公開兩張囝囝的正面樣，跟基仔成個餅印。相中基仔伸出慈父手輕撫囝囝的頭，B仔笑得好開心，一對腰果眼；另一張就可見B仔眼睩睩好精靈，還伸脷出來可愛到爆！最惹笑有網友覺得基仔兒子激似當年他自創的漫畫公仔「Kubi」，而容祖兒都讚他兒子好可愛，胡定欣則以好得意及Happy Boy來形容。