劉晨芝洛杉磯買槍自衞

有「亞洲版Beyonce」之稱的歌手劉晨芝，正身在洛杉磯，坦言擔心人身安全，直認買了手槍防衞：「唔單止華人買槍，呢邊人都有買，我家人都買咗一支手槍自衞，想買多支都冇。」她批評特朗普言論惹恐慌：「啲人好驚引起仇華，佢嘅言論直頭離譜、過分，好嬲，我哋住喺美國嘅華人驚畀人種族歧視，依家都唔敢一個人出街。」她平時有到練習場玩槍，對射擊有姿勢有實際。雖然當地人心惶惶，但她未有打算返港，為追荷里活夢，原接拍名導馬田史高西斯的新片《The Card Counter》，卻因劇組一位臨時演員確診新冠肺炎而暫停，首次參與荷里活大片心情緊張，惜未開工就收工：「幾慘，不過最緊要健康。（擔心冇咗戲份？）唔擔心，都簽晒合約，有信心繼續拍。」