胡曦文赴澳洲學瑜伽預咗隔離2星期

時尚名人胡曦文（Christy）前晚現身旗下唇膏品牌Crisathena與法國皮具品牌合作的活動，跟現場近百人分享扮靚心得，心情大靚的她更即場換Look。現場掛滿靚衫，猶如進入時裝店，她笑言唇膏活動幾乎變時裝展：「我個時裝設計師好友Marco Chan帶咗好多衫嚟，我忍唔住試咗一套黑色，好鍾意佢嘅設計。我哋遲啲合作出時裝，專攻網上市場。」
胡曦文很享受忙個不停的生活。
胡曦文很享受忙個不停的生活。

Christy對其中一套婚紗特別「心心眼」，但只說覺得款式有趣，未有衝動穿上。又透露將與不同時尚界別合作，工作排到月底，之後會隨男友返澳洲：「喺當地報咗名上瑜伽班，呢個班好深層次，預咗澳洲入境要自我隔離14日，冇法啦，我哋好鍾意瑜伽。」

胡曦文即場換Look，分享扮靚心得。
  • 胡曦文即場換Look，分享扮靚心得。