漫威超級英雄片《雷神奇俠》（Thor）系列的47歲英國男星艾迪斯艾巴（Idris Elba）確診新冠肺炎，疑於上周出席慈善活動時，被加拿大總理夫人傳染，同場的冠軍賽車手咸美頓（Lewis Hamilton）相當牙煙！
於《雷神奇俠》系列飾演「門神」的艾迪斯，前日於Twitter宣布確診新冠肺炎：「今朝我嘅新冠病毒檢測呈陽性，暫時冇乜唔舒服，冇任何症狀，但自從發現可能受感染就喺屋企隔離。我會更新情況，請大家唔好恐慌。」
艾迪斯亦拍攝短片表示：「呢個係嚴重事態，依家係時候諗要減少社交，勤於洗手。有啲人係冇病徵，好容易散播開去。目前最好係有透明度，如果你唔舒服，或者你認為應該接受測試，又或者曾經同確診嘅人接觸，就去解決問題，好唔好？呢個好重要。」影片中，見他與妻子Sabrina Dhowre均冇戴口罩，由於他指妻子仍未接受測試，即被網友批評沒與妻子保持距離。
他自爆曾與上周五確診者接觸，網友即猜測向他播毒的人，是上周五確診的加拿大總理杜魯多（Justin Trudeau）夫人格雷瓜爾（Sophie Grégoire），他們上周二於倫敦出席WE Day UK慈善活動，艾迪斯更與咸美頓搭膊合照，令後者有機會被感染！
另外，HBO大熱電視劇《權力遊戲》（Game of Thrones）的41歲挪威男星Kristofer Hivju，於Instagram宣布確診新冠肺炎，自言有點感冒症狀。他最近參演由「超人」亨利卡維爾（Henry Cavill）主演的Netflix大熱電視劇《獵魔士》（The Witcher）第二季，宣布確診後，片場已進行徹底消毒。而聲演迪士尼動畫《魔雪奇緣2》（Frozen 2）的26歲美國女星Rachel Matthews亦確診。