吳業坤想食天娥肉
無綫新劇《BB大晒》演員商天娥與吳業坤昨日在將軍澳電視城錄影節目，商天娥與吳業坤拍照是隔空抱抱，避免接觸，相當搞笑，吳業坤笑說：「疫情嚴重，所以減少接觸，惟有同娥姐『神交』。」
講到拍劇風險，商天娥笑言有演員口水多過浪花：「有啲人講嘢會噴好多口水，遇到呢啲演員就要企遠少少，不過吳業坤就冇噴口水呢個問題。」吳業坤笑說：「我唔想有新緋聞啫。」商天娥笑說：「唔係嘛，我結咗婚，好彩我先生今日冇嚟。呢個人有啲幽默感，之前拜神佢叫我做天娥，我屋企人都未試過咁叫我。」吳業坤又笑言對於在新劇《BB大晒》中與商天娥沒有床戲感到失望。