「月老」啤梨等好友婚期自薦反串做姊妹

新城DJ葉文輝（啤梨）被指是撮合好友彭懷安（Eddie）和未婚妻的「月老」，昨日啤梨受訪時說：「都唔算係，不過佢哋係參加我嘅喜宴而認識啫！其實我同個女仔都熟，佢係我太太嘅閨蜜，我哋私下有約埋玩，都知佢哋拍拖，因為佢哋有同我哋班朋友講，仲估到佢哋打算結婚，不過就未同我講佢哋入咗紙結婚。」
啤梨（左）戥將結婚的彭懷安開心！
啤梨（左）戥將結婚的彭懷安開心！

見Eddie將成家，啤梨真心戥好友高興，並笑說：「見到朋友終於定落嚟嘛！佢哋好合襯，我等緊佢哋婚期，要我做兄弟或反串做姊妹都冇問題，隨時候命。」問到他與Eddie前度朱慧敏亦是好友，可覺得身份變得尷尬？啤梨說：「朱慧敏係個好女仔，又靚、條件又好，相信佢好快識到個好男仔。」

彭懷安與Ivy在啤梨的婚宴擔任兄弟及姊妹而認識。
  • 彭懷安與Ivy在啤梨的婚宴擔任兄弟及姊妹而認識。