薛家燕70歲壽宴改期

藝人薛家燕、鄭俊弘（Fred）與媽媽朱詠珊前晚錄影無綫節目《流行經典50年》，薛家燕在節目中與黃百鳴合唱粵曲《鳳閣恩仇未了情》，月底七十歲生日的她因疫情或許要靜靜度過生辰，她笑說：「或者到時我喺社交網直播生日會，人情就網上過數得喇，哈哈！本來29號會擺幾十圍同粉絲、學生、朋友一齊慶祝，但係因為疫情唔可以聚集人群要改期，啲Fans都覺得好可惜，叫我等多幾日先決定。」