與馬國明床戲 商天娥口水流

吳岱融與馬國明昨日為新劇《BB大晒》開工，二人演不和父子，在醫院門外爭執推撞，上演一幕仔打老竇場面，馬國明爆粗鬧：「你個X街！你仲有面嚟？」事後被打的吳岱融笑言：「佢咁高大，被佢『窩』一拳都幾係嘢。」
無怨不成父子，馬國明鬧老竇鬧到七情上面。
無怨不成父子，馬國明鬧老竇鬧到七情上面。

同劇的商天娥笑言日前開工便是拍「床戲」，搞到她流口水：「嗰幕係講我哋兩母子瞓喺床度，仲要拖住手，開頭係攬住佢，後尾都係望住個天花拖手好啲，冇諗過相隔六年返嚟拍劇就有呢場戲。」可有拍到個心卜卜跳？馬國明搶答：「我有呀。」商天娥笑謂：「想當年我喺化妝間都好多人撩，邊有咁容易令我卜卜跳。」商天娥又笑言認識不少好女仔，可以給馬國明介紹。

商天娥有得演床戲，對手更是馬國明。
  • 商天娥有得演床戲，對手更是馬國明。