余曉彤含淚爆離婚：勉強落去係折磨
「新八模」出身的31歲藝人余曉彤（Hidy），六年前下嫁17歲開始相戀的前甲一籃球員劉健明，原來兩人在去年底已離婚。童話破滅，Hidy爆喊訴說離婚之痛：「勉強落去係一種折磨。」回復單身，她揚言要以打女姿態再戰影壇。
早年在o靚模熱潮中跟何珮瑜等組成「新八模」出擊的Hidy，2014年與拍拖七年的劉健明結婚，翌年誕下女兒，兩人合作搞潛水學校，夫唱婦隨。惟早前有傳Hidy突然加盟新經理人公司，似乎想再戰娛樂圈。
共同撫養女兒
Hidy接受訪問承認加盟新公司，指今年重新出發，想再發展演藝事業，當問到丈夫有何看法時，她即眼紅紅，自爆現在是單身，邊哭邊說：「離咗婚，分開咗半年，我好叻長跑，成日覺得只要堅持，就可以跑到終點，但愛情長跑係要兩個人，努力過，堅持過，最後都唔得。」Hidy 17歲已與劉健明拍拖，共度風雨14年，問到離婚原因，她說：「好難解釋，去到呢個位兩個人都有責任，我太細個同佢一齊，當時自己為愛情犧牲咗好多嘢。」
問到是否有第三者出現？Hidy沒正面回答：「已經唔係呢樣嘢，生活、性格上都好難相處，方向價值觀唔同，勉強落去係一種折磨。（你提出離婚？）大家都提過，亦努力過但唔work。離婚都唔係最差決定，和平分開，阿囡跟我，共同撫養，大家都希望將最大嘅愛畀個女。」
報演技班做打女
Hidy提婚變時哭成淚人，問到是否還未能放下？她說：「依家只想向前走，最難過已經過咗，有段日子都幾難捱，只想匿埋，運動幫我走出傷痛，試過跑100公里，用咗21個鐘，係好攰，但只要努力堅持，最終乜嘢都捱到。（可接受新戀情？）冇刻意諗，想專注事業，依家都有報讀演技班，我對打戲好有信心。」