為免來港返台要隔離 莊思敏婚禮 家長嚟唔到

藝人莊思敏日前被踢爆入紙註冊，三月中將與台商Brian結婚，昨日她於柴灣以友情價為好友胡曦文的健康產品IFUBO拍攝廣告。提到現時新冠肺炎疫情下可有對婚禮有影響？她笑說：「自己個婚禮冇乜大型儀式，所以冇乜太大影響，唯一影響係雙方家長未能夠親身見證，因為台灣過嚟香港，返去又要隔離，所以比較麻煩。（三月中咁快？）簽個字，律師得閒就得，我認真(o架)！都係喺屋企簽個字。（開結婚Party?）未有決定，因為又唔方便聚會，又驚請漏朋友，可能個別食飯。（婚禮唔延期？）因為擇咗日子、搵咗律師，雙方家長都覺得簽字只係儀式冇乜所謂，之後先食飯，媽咪就應該唔返嚟，Daddy到時應該喺香港。」她又表示未必會補擺喜酒。