on.cc東網直播B組煞科激戰 4路大軍搶W

冠忠南區想贏問過富力R&F

頭場冠忠南區對富力R&F，由於富力早前意外落敗，上仗以2比2逼和和富大埔的冠忠南區，賽前已鎖定B組首名。今仗雖已成「例行公事」，但南區依然希望以不敗姿態迎接決賽。U22小將叢振洪（Chris）今屆7場「菁英盃」均正選上陣，他希望球隊能保持良好走勢：「連續7場保持不敗係好開心，呢個成績對球隊非常重要，但我認為各方面都仲有進步空間。」

叢振洪陳嘉宝爭取進步

在「菁英盃」與列文和比圖分擔防務，Chris坦言這些經歷對自己成長有很大幫助：「兩位老大哥一直係我嘅學習對象，佢哋都畀咗好多信心我去表現自己。」中場出身的Chris，亦不斷思考如何能成為一位更全能的後衞：「自己過往踢中場，依家會更夠膽由後場搓個波上去，唔會只係一味大腳清波。」

至於意外出局的富力R&F，主帥楊正光直言上仗略欠運氣，亦受到球證判決所影響，今仗對已篤定出線的南區，盼望重拾勝利的感覺。而富力目前位踞聯賽榜首，此戰對陣「二哥」南區，對他們爭逐聯賽冠軍之路上確有預演作用。

富力R&F中場 陳嘉宝	和富大埔翼鋒 孫銘謙（綠衫）	佳聯元朗中場 黃晉軒

陣容上，U22球員林衍廷累積5面黃牌停賽，可幸射手迪布利刑滿復出，他與另外兩名前鋒基奧雲尼、伊高沙托尼至今已為富力轟入31球，佔全隊逾一半，這條強力鋒線定為對手帶來極大壓力。

上場打足90分鐘的16歲小將陳嘉宝指出，體能在經過6場歷練後提升不少，即使今仗已與出線無關，仍然會珍惜上陣機會。此外，他認為在部分細節上仍需加把勁：「有時攞波好多無謂失誤應可避免，判斷力要再提升，呢啲係經驗問題，之後踢多啲就會好啲。」

和富大埔回勇挑戰佳聯元朗

尾場和富大埔對佳聯元朗，近兩次對壘雙方共產生13個入球，今場不愁少入波，惟大埔主力唐道碧、杜度及陸志豪需停賽，他們今仗務必審慎應戰。「綠戰士」上仗憑新兵金承龍建功以2比1擊退富力R&F，走出10場不勝陰霾。為大埔博得12碼的孫銘謙透露，陣營士氣正盛：「上場好似由低谷爬番上嚟，成隊氣氛唔同哂，希望下場都延續呢股高昂士氣。」

孫銘謙黃晉軒感謝恩師

「孫銘」近兩場重回熟悉的前場位置後如魚得水，他亦坦言進攻才是其強項：「始終踢前面會自由啲，做番自己想做嘅嘢，隊友都鼓勵我多啲起腳，令我更放膽射門。」今仗遇上前主帥郭嘉諾，「孫銘」道出令人欣慰的一番話：「『郭Sir』之前幫咗我哋好多，相信佢都希望見到一隊更好嘅大埔，今場會盡量展示最好一面畀佢睇。」

至於上仗與愉園合演「入球騷」，並以4比3擊敗對手的佳聯元朗，今仗分別有基斯及上仗梅開二度的米基爾累積5面黃牌停賽，而且法比奥、王睿及羅振庭亦因傷倦勤，令人腳選擇方面有所限制，不過在決賽戲碼經已鎖定之下，相信主教練郭嘉諾今場會派出向來較少機會的球員上陣，接受實戰磨練。

於今季「菁英盃」7場賽事均正選上陣的黃晉軒坦言，自己表現中規中矩，並要多謝「師傅」羅振庭的多番提點︰「呢幾場『菁英盃』我大部分時間踢右閘，覺得自己可以主動啲製造攻勢，但係上完去之後，防守嘅時候都要集中番。我有時好多嘢都喺『阿庭』身上學，譬如點樣走位攞波、點樣出波等，都會向佢請教。」

文：黃雋謙