窈窕淑女，君子好逑，蔡思貝可謂圈中表表者，貴為香港小姐亞軍，入行後受公司重用，工作接踵而來，就連緋聞都冇停過。話明係緋聞，未必係真嘅，不過空穴來風，真真假假只有當事人最清楚。
之前蔡思貝增加難度，竟然捲入咗許廷鏗同胡鴻鈞之間嘅「閨蜜情」，令二人遇到史無前例嘅衝擊同考驗，真係世事無絕對，乜都有可能發生。事發後，連許廷鏗都疑似憑歌寄意，一首冇麥浚龍嘅《沒有人》已經將個人狀況表達得淋漓盡致。不過好在佢年輕有為，31歲又靚仔，仲要係專業人士做牙醫。其實人際關係同蛀牙一樣，補唔到嘅話，咪剝咗佢囉，冇乜大不了。