劉思希「加戲」色誘謝東閔

前港姐劉思希在無綫劇《丫鬟大聯盟》中飾演豪放大小姐「霍燕貞」，其中色誘謝東閔的戲份演繹得風趣搞鬼，大獲好評。她表示最難忘與對方盪鞦韆的場口，令全場笑不停：「嗰場戲係凌晨3點拍，但我哋愈拍愈精神，因為全場工作人員都不停笑。嗰場劇本好簡單只係寫盪鞦韆，但我同東閔有好多想法，想令個效果更加好笑，好似加咗掃心口同掃背嘅動作，所以同佢好有化學作用。」