陳豪撩拖手仔李佳芯：唔好搞我！
藝人陳豪日前到爆發不明肺炎的武漢登台，前晚到電視城參與節目，同場的李佳芯搞笑指怕被傳染，不想企太近，陳豪則笑言做善事要手拖手互相打氣。
剛從武漢返港的陳豪、李佳芯（Ali）、陳庭欣與黎諾懿等前晚參與直播節目《慈善星輝仁濟夜》，現場有記者及工作人員戴口罩提高警覺，但亦有大批嘉賓照樣包圍陳豪集郵。Ali表示跟陳豪同台演出，講到對方曾到武漢登台，她驚訝地說：「我一陣仲企佢隔籬喎！唔好企咁埋，如果佢有咩唔舒服，我就幫佢頂一頂啦！」問到會否擔心被傳染時，碰巧陳豪經過，她即表示驚驚，陳豪則笑說：「當然要手拖手，大家互相支持做慈善！」其後被要求合照，兩人Friend過打Band放笑彈，Ali起初搞笑地背着陳豪，他即伸手搭膊，Ali說：「我嚟做善事o架咋！唔好搞我呀！」
陳豪受訪時表示在武漢時沒有四處走，只到表演場地及酒店，亦沒有跟觀眾握手，回家後先沖涼及消毒才接觸小朋友，暫時身體冇異樣。他透露稍後會飛外地工作，但暫時不會再到武漢。
至於Ali透露剛放完假去旅行，提到早前被拍到跟男友陳炳銓逛街時嬲爆爆，她說：「好多人問我係咪唔開心，可能我一唔笑就似黑面。（仲係好Sweet？）正常啦！都咁多年。」
周柏豪唔想囡囡太高
此外，同場的周柏豪透露已幫女兒取名「芯悅」：「兩個字都有心，希望佢開開心心，見到賞心悅目嘅嘢會識得簡單咁笑。」又指女兒大聲及腳長，身旁的連詩雅笑言將來可能比他更高，柏豪即耍手擰頭：「唔好呀！咁好難搵男仔！最多好似你咁高就夠！」