Aka受情傷預咗做老姑婆！
歌手趙慧珊（Aka）昨日於健身室當開幕嘉賓，示範空中瑜伽，她自言因有跳舞根底筋骨比較柔軟，並做出空中一字馬及空中拱橋動作。她稱專程來取經，有見幾個姊妹有投資生意，她都想考瑜伽牌教人，又自嘲將來會是「老姑婆」。
問到是否預嫁唔出？她笑說：「我覺得人愈大愈難搵到適合對象，近排覺得自己鍾意細個啲嘅男仔。（小鮮肉？）又唔好咁講，只係見到事業有成嘅樣就會驚！（咁揀個生意失敗囉？）哈哈！共渡難關！新一年開始，收到最多祝福係想我搵到另一半。」之前受情傷？她坦言：「都係，曾經試過唔開心，唔想不斷輪迴，每次拍拖都視對方為結婚對象，所以再拍拖都會咁諗，但咁樣又怕嚇親人。」
