藝人楊埕為無綫新劇《失憶24小時》的演出突破自我，與黃建東在車上親熱上演「車震」，她在社交網上載拍攝時的相片，見她着上黑色吊帶衫兼超短熱褲十分性感，跪在車廂內與黃建東接吻「激戰」，她留言表示拍攝時連自己都豁了出去：「作為一個演員，假如遇到好角色，豁出去是需要的！最轟動的吻，錫到嘴巴都乾了，有人呷醋嗎？」
而黃建東亦坦言拍攝時相當緊張，自爆事前吃了30粒薄荷糖除口臭，他表示：「冇錯，我人生第一次車震戲終於喺電視曝光了。其實我從來未試過咁緊張，我好驚如果太投入角色做得多咗會唔會令對手誤會？如果太借位又會唔會好假？原來架七人車內櫳好細，而我真係太大太長，講緊我個身形同對腳，所以全程三個鐘彎住條腰做係幾辛苦。」