苟芸慧攞完贊助再唱衰？老公被拉埋落水

曾與胡杏兒合作開設婚紗店「KEVOLIE」的星級設計師Kev，本月16日在社交網發文，指年前收到某女藝人要求贊助製作兩套晚裝，作海外拍照及在港結婚之用，惟對方要求多多，最終更只採用其中一套晚裝，甚至事後向傳媒表示晚裝是她自己設計，令Kev大感錯愕。Kev續指該女星私下向他人狠批其設計是垃圾：「丁點也不會給他作宣傳」、「要不是我穿他的設計，根本沒人知道誰是Kev」。

雖然文中未有指名道姓，但Kev留言回覆好友時透露該女星是前無綫藝人、「身形有一定分量」。有人貼上一張卡通《美女與野獸》圖片暗示，Kev留言：「都叫咗佢咪做鮮黃o架啦，有提議過香檳金o架！」隨即引發網民全城緝「兇」，由於苟芸慧結婚時以《美》作婚禮主題，頓成最大嫌疑人物。事後Kev已刪除發文，但19日再Post：「又衰抵唔住頸」。

冇講過不滿說話

之後苟芸慧在社交網晒出獨照，寫下「如果心胸不似海，又怎能有海一樣的事業，共勉之。」昨日則上載搣姪仔臉珠的相片，表示：「哈哈哈，小時候，我很討厭大人捏我的肉臉，有誰跟我一樣？」並Hashtag「#己所不欲勿施於人」，似回應事件。

由於事件愈炒愈熱，苟芸慧經理人若蘭澄清：「當日係苟姑娘好朋友胡杏兒話佢拍檔（Kev）做婚紗同晚裝，所以幫手Line up贊助苟姑娘。婚禮之後，佢哋都好開心，當時Kev都有Post相，唔明點解事隔一年有咁嘅傳聞，苟姑娘都感到莫名其妙。（告對方？）要問吓律師，不過對方冇指名道姓，唔想對號入座。識苟姑娘嘅人都知佢係一個簡單嘅人，唔想件事發酵落去。其實當時個過程處理係苟姑娘前公司負責，佢冇直接同佢哋溝通，總之苟姑娘冇講過嗰啲不滿嘅說話。」

設計師Kev：公道自在人心

聯絡上Kev，他坦言作品被指為「垃圾」感到不悅：「我喺3、4個朋友口中聽過，如果當事人有不滿當時照實講係冇問題，但從外邊聽到會唔開心。」另外，他指已用了三個途徑問對方何時會落番credit，但不獲回應，他說：「我公司有晒大家WhatsApp嘅合作資料，寫得好清楚，係佢老公（陸漢洋）負責傾。冇落credit唔緊要，背後作品被人話係垃圾就有必要出嚟講！」他續說：「但件事要Let it go，係時候Move on。（擔心被告？）我一直冇開名，冇指名道姓。公道自在人心。」