「女婿」送花膠 李麗珍勁Sweet

藝人李麗珍昨日為香港開電視節目《開運秘笈》擔任嘉賓，下月生日的她表示會與囡囡開派對慶生：「我哋差幾日生日。」問到囡囡送甚麼禮物？她說：「唔知有冇驚喜，都冇乜所謂。（帶男友見你算唔算係驚喜？）見過啦！（滿唔滿意個男仔？）都OK呀，每次阿女返嚟，佢除咗接機之外，仲會送花膠上門，我哋一齊食，都好Sweet。」問到生日願望可會想拍拖？珍妹表示隨緣：「反而想工作上試多啲唔同嘅嘢，或者試多啲唔同角色。」又透露新年可能會與家人到台灣或日本旅行，但女兒慶祝生日後便返加拿大讀書，故未能同行，並指她明年畢業後會返港工作。