心急結婚生仔余香凝諗定雪卵
藝人余香凝昨日為香港開電視節目《開運秘笈》擔任嘉賓，笑言已準備很多問題向堪輿學家請教：「想知我係咪真係要30幾歲先嫁得出？因為想30歲結婚，如果有子女運我就會雪定卵。」事業方面，她搞笑話想知是否要轉形象：「因為我體質易肥，如果師傅話我肥咗係好啲嘅，就可以同公司講要增肥。」
肖雞的她聽聞明年旺桃花，但笑說：「係咪有姻緣嘅桃花呢？如果有，要知邊個月或者邊度搵？（你好心急？）急(0架)！出年27歲，單身咗年幾，朋友叫我聖誕節一齊食飯，但個個都成雙成對。」她透露聖誕節約了好友廖子妤出街：「兩個SheShe一齊去街，會打扮吓，如果佢着得女仔啲，我就着型啲，製造吓拍拖嘅氣氛。」